төлөвлөгдөж буй үйл ажиллагаа

Currently there are no events.
  • Монгол
  • Герман

Мэдээ, мэдээлэл:

2019.10.10

Ургамлын үрийн шинж чанарыг олон улсын хэмжээнд зөв зүйтэй тогтоон мөн түүнчлэн тэдгээрийг баталгаажуулах явдал нь үрийн шинжилгээний газрын лабораторийн нөхцөл байдал, ажилтан мэргэжилтэнгүүдийн ур чадвар, хэрэглэж буй аргачлалаас ихээхэн хамаарна. Энэхүү ур чадварыг дээшлүүлэн дэмжих зорилгоор “Тогтвортой хөдөө аж ахуй төслийн” хүрээнд Германы Захсэн-Анхалт мужийн Халле Хотын ургамлын үрийн шалган баталгаажуулах газартай хамтран 10-p сарын 21- 25-ны хооронд долоо хоногийн сургалтыг Германы Халле хотод явууллаа. Тус сургалтад Мэргэжлийн хяналтын ерөнхий газрын лаборатopийн эрхлэгчид Д. Энхтуяа болон И. Ургамалсайхан нар хамрагдав.

2019.10.10

Герман Монголын хамтын ажиллагааны Тогтвортой хөдөө аж ахуй төсөл, Хөдөө аж ахуйн үйлдвэрлэлд шинжлэх ухааны ололт нэвтрүүлэх төв хамтран “Хөдөө аж ахуйн нэвтрүүлэх үйлчилгээний сургагч багш бэлтгэх” эрчимжүүлсэн сургалтыг 2019 оны 10 дугаар сарын 7-8-ны өдрүүдэд ХХААХҮЯ-нд амжилттай зохион байгууллаа. Нэвтрүүлэх үйлчилгээний төлөвлөлт, хяналт-үнэлгээ, арга зүйн мэдлэг, практик ур чадвар олгоход чиглэсэн уг сургалтанд Архангай, Баян-Өлгий, Дундговь, Булган, Говь-Алтай, Дархан-Уул, Дорнод, Орхон, Өмнөговь, Сүхбаатар, Төв, Ховд аймгуудын ХХААГ-ын дарга, нэвтрүүлэх үйлчилгээ хариуцсан мэргэжилтнүүд, ХААҮШУОНТ-ийн мэргэжилтнүүд оролцлоо.

2019.09.23

Таримал ургамын үрийн хянан баталгаажуулалтын тогтолцоог сайжруулж, хянан баталгаажуулалтыг найдвартай хийх нь газар тариалан эрхлэгчдийн хувьд олон жил эрүүл, найдвартай үрээр тариалах үндэс, цаашилвал хэрэглэгчдийг эрүүл, чанартай бүтээгдэхүүнээр хангах чухал ач холбогдолтой юм.
Герман-Монголын хамтын ажиллагааны “Тогтвортой хөдөө аж ахуй” төслөөс ХХААХҮЯ, МХЕГ, УГТХ, Дархан-Уул Аймгийн ХХААГ, “Элит үр” ХХК-тай хамтран 2019 оны 09 дүгээр сарын 18-19-ний өдрүүдэд Дархан-Уул аймагт “Үрийн төмсний чанарын хяналт” сэдэвт сургалтыг таримал ургамлын үрийн чанарын хяналтын байцаагчид, агрономичид, ЭША-нуудад зориулан зохион байгууллаа.

2019.09.05

Холбооны Хүнс, хөдөө аж ахуйн яамны Парламент дахь Төрийн нарийн бичгийн дарга Ханс-Иоахим Фухтел тэргүүтэй төлөөлөгчид 2019 оны 08-р сарын 29-өөс 09-р сарын 01-ний хооронд Монгол Улсад албан айлчлал хийв. Айлчлалын хүрээнд  Хүнс, хөдөө аж ахуй, хөнгөн үйлдвэрийн сайд Ч.Улаан төлөөлөгчдийг хүлээн авч уулзлаа.Уулзалтын үеэр сайд Ч.Улаан төлөөлөгчдийг Монгол Улсад тавтай айлчлахыг хүсээд Монгол Улс, ХБНГУ-ын хүнс, хөдөө аж ахуйн салбарын хамтын ажиллагааг өргөжүүлэн хөгжүүлэхэд анхаарал хандуулан ажиллаж байгаад талархал илэрхийлэн...

2019.07.29

“Тогтвортой хөдөө аж ахуй” төслөөс ХХААХҮЯ, ХААИС, УГТХ-тэй хамтран 2019 оны 07 дугаар сарын 26-ны өдөр “Хөрсний шинжилгээний арга, аргачлалын нэгдмэл байдал - Монгол, герман мэргэжилтнүүдийн туршлага солилцох уулзалт хэлэлцүүлэг”-ийг зохион байгууллаа. Тус уулзалт, хэлэлцүүлэгт УГТХ-ийн Хөрс, агрохимийн лаборатори, ХААИС-ийн Агроэкологийн сургуулийн Хөрс, агрохимийн лаборатори, ШУА-ийн Газарзүй – Геоэкологийн хүрээлэнгийн Хөрс судлалын лаборатори, МХЕГ-ын төв лаборатори, МУИС-ийн Хөрсний лаборатори, Нийгмийн эрүүл мэндийн үндэсний төв, УХХ-ийн  мэргэжилтнүүдээс гадна Инженер Геодези ХХК, Гацуурт ХХК, НАРТ ШУҮН Консалтинг ХХК-ийн Хөрсний итгэмжлэгдсэн лаборатори зэрэг хувийн компаниудын төлөөлөл болох 50 гаруй мэргэжилтнүүд, хөрс судлаачид оролцлоо.

2019.07.15

Герман-Монголын хамтын ажиллагааны “Тогтвортой хөдөө аж ахуй” төслийн хүрээнд 2019 оны 07 дугаар сарын 01-07-ны хооронд Бүгд Найрамдах  Казакстан Улсад “Уур амьсгалын өөрчлөлт, газар тариалан” сэдэвт туршлага судлах аяллыг зохион байгууллаа. Энэ удаагийн танилцах аялалд ХХААХҮЯ, МХЕГ, УГТХ болон тариалан бүхий аймгуудын ХХААГ-уудын төлөөллүүд хамрагдлаа. БНКУ нь байгаль уур амьсгалын хувьд манай улстай ижил нэг өргөрөгт байрладаг, далайд гарцгүй, эх газрын эрс тэс уур амьсгалтай зэрэг хоёр орны хувьд төстэй талууд олон. Мөн 1990 оноос өмнө ЗХУ-ын бүрэлдэхүүнд байсан, нүүдлийн мал аж ахуйг эрхэлж ирсэн уламжлалтай, зах зээлд манайтай ижил шилжиж орсон боловч эдийн засгийн хувьд үсрэнгүй хөгжиж чаджээ.

2019.07.08

Атар газар эзэмшсэний 60 жилийн ойг угтах бүтээлч ажлын аяны хүрээнд ХХААХҮЯ, “Тогтвортой хөдөө аж ахуй” төсөл болон Ургамал Газар Тариалангийн Хүрээлэн “Тариалангийн хөрсний менежмент, бордох технологи” семинарыг 2019 оны 6 дугаар сарын 28-нд Дархан хот дахь УГТХ-д хамтран зохион байгуулав. Хөрс хамгаалах тариалангийн технологи болон бордооны зохистой хэрэглээг нэмэгдүүлэхэд чиглэсэн тус семинарт Дархан-Уул, Сэлэнгэ, Төв, Орхон аймгийн үр тариа, төмс, хүнсний ногоо үйлдвэрлэгчид, аймаг, сумдын агрономичдын төлөөлөл нийт 97 хүн оролцлоо.

2019.06.27

Герман-Монголын хамтын ажиллагааны “Тогтвортой хөдөө аж ахуй” төслөөс ХХААХҮЯ-ны ГТБХЗГ, УХЭШХ, УГТХ, Дархан-Уул аймгийн ХХААГ-тай хамтран 2019 оны 06 дугаар сарын 20-21-ний өдрүүдэд Дархан-Уул аймагт “Ургамал хамгааллын зохистой дадал дэлгэрүүлэх сургалт”-ыг зохион байгууллаа. Сургалтыг хөтөлбөрийг тус төслөөс УХЭШХ-ийн эрдэмтэн судлаачидтай хамтран боловсруулсан “Ургамал хамгааллын зохистой дадлын мэргэшүүлэх сургалтын концепц”-ийн агуулгын хүрээнд бэлтгэсэн бөгөөд онолын мэдлэгийг УХЭШХ-ийн эрдэмтэд, дадлага туршлагын ажлыг ХБНГУ-ын “Дойла-Нийнбург” сургалтын төвийн сургагч багш Рольф Сийлинг удирдан явууллаа.

2018.08.22

ХБНГУ, Ханновер хот 2018 оны 11 сарын 13-16 өдрүүдэд

EuroTier нь мал аж ахуйн үйлдвэрлэл, менежментийн чиглэлээр зохион байгууллагддаг дэлхийн хамгийн том, нэр хүндтэй үзэсгэлэн, яармаг юм. Хоёр жил тутамд зохион байгуулагддаг тус үзэсгэлэн, яармаг нь мал аж ахуй, ялангуяа үхэр, гахай, тахиа болон загасны аж ахуйн салбарт гарч буй хамгийн сүүлийн үеийн хөгжлийн чиг хандлага, технологи, бүтээгдэхүүн, үйлчилгээг буюу малын тэжээлээс мах, сүү, өндөг гаргаж авах хүртэлх үйлдвэрлэлийн бүхий л процессыг цогцоор нь дэлгэн үзүүлдэг томоохон арга хэмжээ юм.

2018.08.22

Сүүлийн хэдэн долоо хоногт Германы ихэнх нутаг дэвсгэрийг хамарсан их халалт нь ургацад сөргөөр нөлөөлж, ой хээрийн түймэр гарах эрсдлийг нэмэгдүүлж байна. Тухайн нутаг орны газар зүйн байршил, цаг уурын нөхцөл байдлаас хамааран учирсан хохиролын хэмжээ нь харилцан адилгүй боловч, Холбооны улсын хэмжээнд томоохон хохирол амсах дүр зураг хэдийнээ гараад байна. ХАА, ойн аж ахуйн үйлдвэрлэл эрхлэгчдийн хувьд уур амьсгалын өөрчлөлтөд дасан зохицох гэдэг нь шинэ үзэгдэл биш юм. Бүтээгдэхүүний болон зах зээлийн эрэлт хэрэгцээнээс шалтгаалсан эрсдлийг даван туулах нь тухайн үйлдвэрлэл эрхлэгчийн өөрийн хариуцлагын асуудал байдаг.

2018.08.22

Холбооны Хүнс, хөдөө аж ахуйн сайд хатагтай Юлиа Клёкнер тус яамны бүтцэд өөрчлөлт оруулж эхэлжээ. Түүний анхаарлаа хандуулж буй нэг чухал сэдэв нь цахимжуулалт юм. «Би ажлаа аваад эхний 100 хоногт багтаан ирэх жилүүдэд авч хэрэгжүүлэх үйл ажиллагаа, бодлогын тэргүүлэх чиглэлүүдийг тогтоолоо. Энэхүү шийдвэр маань яамны бүтэц, бүрэлдэхүүнд мөн тусгалаа олно», гэж хатагтай Юлиа Клёкнер хэллээ. Холбооны Хүнс, хөдөө аж ахуйн яамны мэдэгдэж буйгаар цахимжуулалт, тогтвортой хөгжил, биологийн олон янз байдал, хүүхэд, ахмад настны хоол тэжээлийн асуудлууд, өлсгөлөнгийн эсрэг авч хэрэгжүүлэх бодлого, хөдөө орон нутгийн хөгжлийн төлөө сайн дурынхны оролцоо зэрэг нь бодлогын хувьд тэргүүлэх чиглэлүүд юм.

2018.05.18

Бид өөрсдийн өдөр тутмын хэрэглээ болсон хоол хүнс, мал, амьтны тэжээл, био эрчим хүчний гол түүхий эд болох таримал ургамлуудыг бүгдийг тариалангийн талбайдаа тарьж ургуулдаг билээ. Хэрэглэгчдийн зүгээс тэдгээр таримал ургамлуудын чанар, нэр төрөл, үйлдвэрлэлийн хэмжээнд ихээхэн ач холбогдол өгч, өндөр шаардлага тавьдаг болсон. Энэхүү хэрэгцээг хангахад газар тариаланг илүү үр ашигтай, өндөр бүтээмжтэй, тогтвортой хөгжүүлэх хэрэгтэй болж байна. Ирээдүйн газар тариалангийн чиг хандлага уламжлалт болон органик тариалалтын технологийн алийг ашиглаж байгаагаас үл хамааран “тогтвортой хөгжил”-д чиглэгдэж байна.

2018.03.14

ХБНГУ нь аж үйлдвэрлэл, инженерийн шийдлүүдээрээ дэлхийд танигдсан боловч хэзээнээс л хүчтэй хөдөө аж ахуйн орон байсан. Хэдийгээр хүн амын нягтрал ихтэй боловч нийт нутаг дэвсгэрийнхээ тал хувьд хөдөө аж ахуйн үйлдвэрлэл явуулдаг байна. Тус салбарын 270 гаруй мянган аж ахуйн нэгжид ойролцоогоор нэг сая гаруй хүн ажиллаж, жилд дунджаар 50 тэрбум евроны өртөг бүхий бараа бүтээгдэхүүн үйлдвэрлэж байна.